Aktori i humorit Donald Veshaj u ka rrëfyer disa banorëve të “Big Brother VIP” historinë e njohjes me Bora Zemanin, me të cilën është ndarë pak muaj më parë. Aktori zbuloi se Bora është femra që ai ka dashur më shumë, por u ndanë pas zënkave të shumta.
Teksa Donaldi po fliste për Borën, në një moment ndërhyn Semi e cila shprehet se “ata vdesin për njëri-tjetrin” dhe se këtë e di shumë mirë. Sipas saj, ata janë tipa shumë të ngjashëm dhe prandaj kanë pasur mosmarrëveshje.
Gjithashtu Semi tha se nuk mban dot anën e asnjërit, pasi nuk është situata duke qenë se janë ndarë për budalliqe.
“Po të shikoja Donaldin në rrugë do i flisja, tjetër gjë ta lija ta takoja me pi kafe, sepse kam shoqe të ngushtë atë. Normalisht që nuk do ta takoja qëllimisht. Por kur e takova këtu dhe thashë ok e kam shumë xhan, se e kam xhan”– tha Semi.
Kur Kledi e pyet e ke shoqe Boren, këngëtarja tha: “E kam shoqe të ngushtë prej 15 vitesh. Prandaj njihemi dhe jemi aq të lidhur me njëri-tjetrin. Kemi 3 vite që njihemi”.
Semi theksoi se është e sigurt që Donaldi e ka të pikturuar portretin e Borës në mendjen e tij, e po ti japësh një fletë e laps ai do e bënte.
