Kreu i qeverisë Edi Rama në mbledhjen e sotme të Këshillit të Ministrave ka vendosur që të emërojë në postin e zv.Ministres së Infrastrukturës dhe Energjisë, Enkelejda Muçën, e cila më herët ka mbajtur postin e Avokates së Shtetit.
Kujtojmë që Muça ka qenëderi në qershor të këtij viti në krye të Avokaturës së Shtetit, duke mbrojtur qeverinë shqiptare në gjyqin kundër biznesmenit italian Francesco Becchetti në Arbitrazh, të cilin siç dihet tashmë vendi ynë e humbi.
Muçaj ka qenë gjithashtu Këshilltare Ligjore e Ministrit të Kulturës Rinisë dhe Sporteve të Shqipërisë.
Ajo gjithashtu u ka ofruar ekspertizë autoriteteve të qeverisë shqiptare në lidhje me harmonizimin e legjislacionit kombëtar me ligjin ndërkombëtar të pronësisë intelektuale.
Vendimi i Qeverisë:
EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
VENDOSI
Znj. Enkelejda Muçaj emërohet zëvendësministër i Infrastrukturës dhe Energjisë.
Ky vendim hyn në fuqi menjëherë.
