Një adoleshent 16-vjeçar, ka ndërruar jetë pasi ishte infektuar me koronavirus.
Mediat e huaja shkruajnë se adoleshenti serb, Aleksandar C. u gjet nga anëtarët e familjes i pajetë pranë shtratit të martën në mëngjes. Ai ishte i infektuar me Covid-19 dhe ishte në izolim që nga 15 tetor.
“Pasi burri im u infektua, vajza ime (21 vjeç) dhe Aca u testuan. Ata të dy ishin pozitivë. Mjekët na dhanë terapi, por ai nuk mund të gëlltiste asgjë. Nëse do të kishte ngrënë diçka, ai do të vjellte menjëherë. Ai vetëm tha nuk mund të flinte. Tri ditët e fundit ai kishte ethe dhe kollitej”, thotë nëna e tij, raportojnë mediat serbe.
Ajo thotë se ata u thirrën të martën në mëngjes nga një vajzë e cila i ftoi ta shihnin djalin teksa ai qëndronte pa lëvizur pranë shtratit.
“Ne jemi duke pritur për autopsinë”, tha nëna.
