Kryetari i PD-së, Lulzim Basha paralajmëroi ata mbështetës të ish-kryeministrit Sali Berisha, të cilët i cilësoi “oportunistë e inaçorë”, se do të marrin një faturë politike, që s’ua ka dhënë këto 8 vite.
“Situata dihet fare mirë, vendimmarrja ka ardhur pas një vendimmarrje të SHBA dhe interesit më të mirë të demokratëve dhe interesit të shqiptarëve që s’mund ti shërbehet pa një PD të fortë që lufton regjimin. PD-së si shërben përçarja e partisë për interesa personale të Bashës apo Berishës. Kjo është arsyeja pse jam vetëpërmbajtur me bindjen e thellë dhe bëj thirrje ndaj çdokujt që është i paqartë apo i zemëruar, të qetësohet dhe të qartësohet. Oportunistëve dhe inaçorëve u them që rruga pa krye ku jeni futur dhe abuzimi që i bëni gjendjes aktuale të ish-kryetarit historik do t’ju vijë me faturën që s’ua kam dhënë këto tetë vite politike sigurisht”, tha Basha.
