Prania e presidentit shqiptar, Ilir Meta në stadium ndoshta u ka sjell fat teksa Celtic merr fitoren e parë në Europa League.
Në “Celtic Park”, ekipi skocez, tifoz i të cilit është edhe Ilir Meta që ka udhëtuar për këtë sfidë ku u shoqërua nga ish mbrojtësi kuqezi Rudi Vata, mposhti 2-0 Ferencvarosin e Myrto Uzunit i cili nuk arriti të bënte asgjë në këtë sfidë në një stadium elektrizues.
Pas një pjese të parë të luajtur më mirë nga vendasit dhe pa gola, e dyta ishte shumë emocionuese.
Në 57’ ishte Furuhashi që kaloi në avantazh Celtic duke bërë që të shpërthente stadium ndërsa në 62’ McGregor humbet një penallti që gjithsesi nuk e penalizon skuadrën.
Në 81’ ishte Turnbull që shënoi dhe golin e dytë për të vulosur fitoren teksa Ferencvarosi mbetet në fund të renditjes me zero pike.
