Ndërsa në emisionin ‘Opinion’ po diskutohej mbi vdekjen misterioze të 4 turistëve rus në një hotel në Qerret të Kavajës, gazetari Spartak Koka ka dhënë të reja.
Sipas Kokës pikërisht në hotelin ku u gjetën pa jetë shtetasit çifti Natalia Burenkova, 58 vjeçe, Sergei Burenkov, 60 vjeç, dhëndri i tyre, Nikita Belousov, 37 vjeç, dhe vajza e tyre, Ekaterina Burenkova, 31 vjeçe, ka humbur jetën edhe një shtetas polak dy-tre muaj më parë.
Koka theksoi se për shtetasin polak të moshës 55-60 vjeç i cili u gjet i vdekur në të njëjtën dhomë hoteli (SPA) ku u gjetën dhe shtetasit rusë, ekspertiza ligjore nxori se ai e kishte humbur jetën nga ataku kardiak.
‘Dy-3 muaj më parë në të njëjtin hotel në të njëjtën SPA ëhstë gjetur i vdekur edhe një shtetas polak 55-60 vjeç. Shkaku i vdekjes është vendosur arrest kardiak dhe për shtetasin polak’, tha Koka.
