Një person ka humbur jetën mëngjesin e sotëm si pasojë e një aksidenti të ndodhur në aksin Lezhë-Shkodër.
Viktima është identifikuar si shtetasi Zyhdi Meti, i cili ishte një nga drejtuesit e mjeteve të përfshira në aksident.
Ndërkohë raportohet se drejtuesi i mjetit tjetër, shtetasi V.T, ndodhet në spitalin e Traumës në Tiranë.
Aksidenti ka ndodhur në afërsi të Dajçit.
Njoftimi i policisë:
Në aksin rrugor Shkodër-Lezhë, në vendin e quajtur “Kryqëzimi i Dajçit “, automjeti me drejtues shtetasin Z.M.,është përplasur me automjetin me drejtues shtetasin V.T., ku si pasojë ka ndërruar jetë drejtuesi i mjetit shtetasi Z.M., dhe ka marrë dëmtime e dërguar në spitalin e Traumës, Tiranë drejtuesi i mjetit tjetër shtetasi V.T.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
