Ndeshja e Kategorisë së Dytë mes Memaliajt dhe Albpetrolit në këtë fundjavë u kthye në një nga më të nxehtat për shkak të ngjarjeve dhe situatave të njëpasnjëshme që u krijuan atje, duke kulmuar edhe me sulm fizik ndaj lojtarëve të skuadrës së Albpetrolit.
Pjesë e debatit tashmë është bërë edhe Bashkia e Patosit, e cila k a rreshtuar në një deklaratë publike të gjitha shkeljet në këtë sfidë dhe problemet, duke bërë të ditur se i është drejtuar edhe FSHF-së për çështjen në fjalë.
DEKLARATË:
“ Ë Ë -”
Të nderuar qytetarë!
Të nderuar sportdashës!
Ditën e Diel, më 17.10.2021 ora 14:00 në Stadiumin “Karafil Caushi”, është zhvilluar ndeshja Memaliaj-Albpetrol, për Kampionatin Kombëtar të Kategorisë Dytë.
Gjatë ndeshjes është konstatuar se:
1-Nuk janë lejuar gazetarët e licencuar pa asnjë lloji argumenti bindës nga ana e zyrtarëve të ekipit vendas.
2-Mungesa dhe ikja e ambulancës gjatë zhvillimit të lojës.(E drejtë që bazohet në Rregullore)
3-Presione të zyrtarëve të ekipit vendas, ndaj arbitrave, zyrtarëve dhe Shefit të Klubit Albpetrol.
4-Njëanshmëri e Policisë Bashkiake.
5-Futja e personave të paautorizuar në fushë, të cilët demonstruan sjellje jo të denjë.
6-Dhunë verbale e Shefit të Klubit Memaliaj në bankinën e Albpetrol.
7-Kërcënimi i delegatit për të mos raportuar ngjarjen.
8-Goditje me gurë ndaj ekipit Albpetrol.
Për të gjitha konstatimet e mësipërme, Klubi “Albpetrol” ka bërë me dije Federatën Shqiptare të Futbollit, Komisionin e Disiplinës dhe Etikës.
Bashkia Patos dënon ashpër sulmet fizike dhe verbale ndaj ekipit “Albpetrol” dhe kërkon vënien para përgjegjësisë të autorëve të ngjarjes.
