Anëtari i Kryesisë së PD, Gent Strazimiri, ka reaguar lidhur qëndrimet e kreut demokrat Lulzim Basha, i cili edhe në mbledhjen e sotme të Grupit Parlamnetar, ka përsëritur deklaratat se nuk do të lejojë mbledhje të Kuvendit Kombëtar apo çdo forumi tjetër, për të diskutuar vendimet e SHBA.
Strazimiri shkruan se ai që “ka plan të kthejë PD në një bunker”, nuk kërkon mbledhjen e burrave dhe grave të kësaj partie në KUVEND… por të kundërtën!
“Ai që ka plan të “ta kthejë PD në bunker të interesave personale”, nuk kërkon kuvendim të antarësisë, e nuk zbaton Statutin, Kushtetutën e demokratëve… por të kundërtën!
Plan për të kthyer PD në bunker interesash personale ka ai që jep komandën “Shpërndahuni”, jo ai që bën thirrjen “Mblidhuni”!”, shkruan anëtari i Kryesisë së PD.
Reagimi nga Gent Strazimiri
Ai që “ka plan të kthejë PD në një bunker”, nuk kërkon mbledhjen e burrave dhe grave të kësaj partie në KUVEND… por të kundërtën!
Ai që ka plan të “ta kthejë PD në bunker të interesave personale”, nuk kërkon kuvendim të antarësisë, e nuk zbaton Statutin, Kushtetutën e demokratëve… por të kundërtën!
Plan për të kthyer PD në bunker interesash personale ka ai që jep komandën “Shpërndahuni”, jo ai që bën thirrjen “Mblidhuni”!
Plan për të shkatërruar e përçarë PD, ka ai që jep urdhër:
*mos u mblidhni as në mbledhje seksionesh, as në mbledhje Grupseksionesh, as në mbledhje Kryesish në degë, madje as dy e nga dy nëpër kafe… sepse përçahemi…
Plan për të bunkerizuar e shitur PD për interesa personale, të ulta, ka ai që ende sot nuk mbledh as Kryesinë e Partisë Demokratikë, as Këshillin Kombëtar të Partisë Demokratike!
Plan për të asgjësuar opozitën ka ai që i shpik vetes kompetenca që nuk ekzistojnë e nuk kanë ekzistuar askund, kurrë, vetëm se ka frikë përballjen me të vërtetën!
Ai që ka frikë të përballet me njerëzit e lirë në KUVENDIM nuk mund të jetë kryetari tyre, sepse nuk i drejton dot drejt lirisë!
#qëndro_në_këmbë_demokrat
#asnjë_hap_pas
✌️💪🇺🇲🇦🇱✌️💪
