Një ndeshje shumë e luftuar ishte ajo në “Allianz Stadium” ku Juventusi arriti të marrë më të mirën me një fitore 1-0 ndaj Romës por me shumë polemika.
Bardhezinjtë e nisën më mirë ndeshjen në shtëpi dhe gjetën avantazhin që në minutën e 16 me Moise Kean dhe pas këtij goli ndeshja foli më shumë për skuadrën e Mourinhos.
Episodi që do të shkaktojë shumë polemika është ai i 42’ kur në një aksion goli për Romën, arbitri Orsato e ndalon kur topi po shkonte në rrjetë për të akorduar penallti.
11-metërshi më pas gabohet nga Veretout por pakënaqësitë janë të mëdha ndërsa pjesa e dytë ishte shumë më e mirë për Romën që krijoi dhe pati raste për të barazuar.
Gjithsesi, sfida përfundon 1-0 për Juventusin që tashmë po ngrihet në renditje ndërsa Roma mbetet në vend të katërt me 15 pikë.
