Një 27-vjeçar është plagosur me thikë në Tropojë. Burime zyrtare nga policia bënë me e dije se ngjarja ka ndodhur në qytetin e Bajram-Currit për motive të dobëta.
“Shtetasi me inicialet B. M., 53 vjeç, banues në fshatin Dragobi, dyshohet se pas një konflikti të çastit për motive të dobëta, ka plagosur me mjet të mprehtë shtetasin P. M., 27 vjeç, banues në fshatin Gri“, njoftoi policia.
I lënduari ndodhet në Spitalin e Tropojës, nën kujdesin e personelit mjekësor, jashtë rrezikut për jetën.
Autori i arrestuar akuzohet për veprat penale ” Plagosja e rëndë me dashje”, dhe “Mbajtja pa leje e armëve të ftohta”.
