Debutimi i Sergio Ramos është shtyrë sërish, ndërsa mbrojtësi ende nuk po e kryen të plotë seancën stërvitore.
Spanjolli ende nuk ka luajtur në një ndeshje në kampionatin francez, pasi la Madridin për Parisin në verë si futbollsit i lirë.
Qendërmbrojtësi 35-vjeçar ka pasur probleme në pulpë që prej ardhjes së tij te parisienët, ndërsa ka humbur 12 sfida deri më tani. Ai ende pret dritën e gjelbër nga mjekët që të mund të kryejë një seancë me kohë të plotë.
Trajneri Maurizio Pochettino nuk do që të rrezikojë dhe ta hedhë në fushë atë në takimin kundër Onzhi të premten.
Në një njoftim për shtyp klubi lajmëroi se Sergio Ramos do të vazhdojë stërvitje individuale nën kontrollin e stafit mjekësor në 10 ditët e ardhshme me qëllimin që t’i kthehet stërvitjes me grupin.
Ramos do të mungojë kështu në sfidën e Ligës së Kampioneve ndaj Leipzig javën e ardhshme dhe më 24 tetor në tranfertë kundër Marsejës.
Por ai mund të jetë i gatshëm më 29 Tetor kundër Lilës.
35-vjeçari konsiderohet si në nga mbrojtësit më të mirë të brezit të tij, ndërsa ka fituar shumë trofe gjatë qëndrimit 16-vjeçar te Real Madridi.
