Klodian Tomorri: Kriza e energjisë goditja përfundimtare, tre kompanitë publike gati një miliardë euro borxh

Nga emsioni “Të Paekspozuarit” në MCN TV gazetari i ekonomisë Klodian Tomorri tha se kriza e energjisë për të cilën po bëhet debat i madh është vetëm goditja përfundimtare për vendin tonë.

Ai shpjegoi se çfarë ka ndodhur me energjinë në vetëm tre vitet e fundit. Tomorri tregoi se në 2017-ën tre kompani publike të energjisë, KESH, OSHEE dhe OST nga 617 milionë euro borxhe, në vitin 2020 arritën në 932 milionë euro, gati 1 miliardë euro borxh.

Kjo ecuri sipas Tomorrit tregon se sektori i energjisë është i paqëndrueshëm dhe KESH dhe OSHEE janë të falimentuara.

“Debati më i madh edhe politik ka qenë ai nëse kjo krizë që po kalon Shqipëria është rezultat i krizës botërore apo është krizë menaxhimi. Dhe për ti dhënë përgjigje duhet të shohim çka ndodhur vitet e fundit.

Në 2017-ën tre kompani publike të energjisë, KESH, OSHEE dhe OST kishin 617 milionë euro borxhe, në vitin 2020 borxhi arriti 932 milionë euro, gati 1 miliardë euro. Në tre vjet borxhet janë rritur me 50% në peshë specifike. Borxhet për secilën kompani. Në vitin 2017 OSHE kishte 510 milionë euro borxhe dhe në 2020 ka arritur në 620 milionë euro.

LEXO EDHE  SHBA shton presionin për Kosovën, kërkon zbatimin e marrëveshjes për Asosacionin e Komunave Serbe

KESH në 2017-ën kishte 68 milionë euro dhe në 2020 180 milionë. OST në 2017-ën 39 milionë euro dhe në 2020-ën 132 milionë. Ky është një infeskion dhe këto kompani infektojnë njëra-tjetrën.

Kjo situatë është para se të ndodhte kriza. Kjo ecuri tregon se sektori është i paqëndrueshëm dhe KESH dhe OSHEE janë të falimentuara. Kriza ishte goditja përfundimtare. Nëse merr OSHE-në sot është me kapital negative. Ai që do të blejë OSHEE qeveria duhet ta paguaj”, tha Tomorri.