Ministrja Belinda Balluku tha se Shqipëria do të depozitojë energji elektrike që tani, në mënyrë që kur ti duhet energjia të mos e blejë në treg me 300 lekë, por me diferencën mes çmimit të depozitimit me atë që është në treg.
“Në muajin gusht ne u detyruam të shesim energji, pasi nuk kishte rrugë tjetër, ose do hapnin portat dhe do kishim përmbytje, ose do e shisnim”, tha Balluku.
Ajo tha se sipas të gjithë ekspertëve çmimi i energjisë nuk do të ulet në tregun ndërkombëtar.
“Unë i garantoj plotësisht nuk do të ketë ndërprerje të energjisë elektrike, sikundër nuk do të ketë as rritje të çmimit të energjisë për abonentët familjarë dhe ato të biznesnit të vogël.
Në Shqipëri janë 1 milion e 100 abonentë, por 500 mijë janë abonentë aktivë gjatë gjithë kohës”, tha Balluku.
