Gjykata e Tiranës ka liruar nga qelia Sokol Topçiun, administratorin e kompanisë farmaceutike, “Farma Net Albania”, i arrestuar si pjesë e skemës së kontrabandës së ilaçeve gjatë operacionit “Përfitimi”. Topçiu do të hetohet nën masën e arrestit shtëpiak, ndërsa pak ditë më parë u liruan edhe 6 persona të tjerë të arrestuar në kuadër të të njëjtit operacion.
Topçiu 57 vjeç, administrator i rrjetit “Farmanet”, u arrestur 3 ditë më parë duke u bërë i 7 i vënë në pranga su i përfshirë në këtë skemë. 57-vjeçari në bashkëpunim me 6 tjerët të liruar ditë më parë, akuzohen se kryenin kontrabandë të ilaçeve anti-COVID dhe i shisnin.
Bashkë me Topçiun nga qelia ështe lituar Florian Marku 39 vjeç, administrator i një farmacie; Blerim Bitri 40 vjeç, administrator i një farmacie; Margarita Xhaxhiu 64 vjeçe, e dyshuar si dërguesja e mallrave kontrabandë; Jani Papuli 66 vjeç, i punësuar nga Margarita Xhaxhiu; Florian Lila 40 vjeç, administrator i një farmacie; Bashkim Osmani 56 vjeç, administrator i një depoje farmaceutike.
