Gazetari kritikon Brojën: Kulmi që shkoi për t’i kërkuar bluzën Lewandowskit

Humbja kundër Polonisë la një shije të hidhur për të gjithë shqiptarët, të cilët pas asaj ecurie pozitive kishin ngritur shumë lart shpresat për të marrë vendin e dytë në grup. Gazetari Gjergji Stefa ka mbetur i pakënaqur nga ajo që kuqezinjtë dhanë në fushën e lojës, e cila kulmon më pas me veprimin e lojtarëve të Kombëtares pas vërshëllimës përfundimtare të arbitrit.

Stefa është shprehur në studion e emisionit “Skaner“ në “MCN TV“ se fakti që Broja dhe Ramadani shkuan menjëherë drejt Lewandowskit për ti kërkuar fanellën e bënte këtë “finale“ të madhe të merrte vlerën e një miqësoreje.

LEXO EDHE  Hajdutët boshatisin shtëpinë e Dybala-s

“Dhe në fund të ndeshjes pas një humbjeje të tillë kulmi është kur sheh dy futbollistë të Kombëtares shqiptare që duke qeshur shkojnë menjëherë te Lewandowski për ti kërkuar fanellën. Kjo ishte pastaj sikur luan miqësore“, ka thënë Gjergji Stefa.