Një ngjarje e rëndë ka ndodhur në Francë, ku është përfshirë një familje me origjinë nga Kosova.
Mësohet se një 13-vjeçar ka qëlluar për vdekje babanë e tij, pasi ky i fundit vazhdimisht dhunonte nënën e tij.
Mediat franceze shkruajnë se gruaja, ka rrëfyer se gjithçka kishte nisur pas një sherri mes saj dhe bashkëshortit.
Natën e ngjarjes, viktima kishte shkuar i dehur në shtëpi duke u treguar agresiv. Prokurorët kanë thënë se në trupin e saj nuk ka asnjë shenjë dhune, ndërsa raportohet se krimi ka ndodhur në sy të nënës dhe motrës së vogël vetëm 7-vjeçare.
13-vjeçari pasi qëlloi babanë, mori vëllanë dhe fshehën armën në disa shkurre. Por më pas ai u dorëzua në polici dhe pranoi krimin.
