Ish-Kryeministri Sali Berisha do të jetë pasditen e sotme në Kukës, atje ku do të zhvillojë foltoren e rradhës, në kuadër të takimeve me anëtarësinë e Partisë Demokratike, për thirrjen e Kuvendit të Jashtëzakonshëm Kombëtar të kësaj partie.
Megjithëse zyrtarisht takimi është njoftuar në orën 18:00, duket se simpatizantë dhe mbështetës të PD-së, kanë nisur festën. Me daulle dhe muzikë ata janë në pritje të ish-Kryeministrit, ndërsa në qytet qarkullojnë automjete me flamujt e PD.
Video e mëposhtme tregon se si kuksianët do të presin Berishën, ndërsa ai pritet të shoqërohet nga deputetët Flamur Noka dhe Isuf Çela.
