I ushqenin vetëm me patate, shkatërrohet rrjeti që prosti*uonte vajzat/ Ja si rekrutoheshin

Policia italiane ka shkatërruar një organizatë kriminale, e cila kishte në përbërje edhe shqiptarë, ndërsa
“rekrutonte” vajza të reja që ktheheshin në punonjëse seksi.

Vajzave u premtohej punë me mbi 6000 euro, por më pas ato përfundonin në një rrjet prostitucioni. Hetimet për operacionin e koduar “Bokuk”, që në bullgarisht do të thotë “plehra” dhe që përdorej si term nga tutorët për viktimat, kanë nisur në qershor të 2020 pas denoncimit të bërë nga dy shtetase bullgare.

Policia njoftoi se ka arrestuar 8 persona dhe ka shpallur në kërkim një tjetër person.

Vajzat dërgoheshin në banesa gjysmë të rrënuara në distriktin San Cocimo ku mbaheshin në kushte të këqija higjienike të privuara nga çdo lloj lirie. Për t’i mbajtur gjallë, anëtarët e bandës i ushqenin vajzat shumë pak dhe kryesisht me patate.

Me punën e tyre në rrugë, viktimat i siguronin grupit kriminal rreth 1,400 euro në javë secila.

LEXO EDHE  “Ka dasëm te Kamberi”/ Polici i arrestuar po hidhte valle, telefonon kolegun: Thuaj s’pashë gjë!

Ato iu nënshtroheshin abuzimeve dhe të rrahurave dhe detyroheshin që të prostituonin çdo ditë nga ora 07.00 e mëngjesit deri në 04.30 të mëngjesit, edhe në kohën kur kishte kufizime nga pandemia. Me finalizimin e operacionit, policia konfiskoi pajisje kompjuterike, telefona celularë, sende me vlerë dhe para.

Sipas raportimeve, nga katër personat që janë tashmë në burg, tre janë shqiptar dhe një është italian.

Me hetimet e policisë, sipas Prokurorisë Publike të Katanias, “ishte e mundur të demonstrohej se organizata kriminale, e kryesuar nga çifti Emil Milanov dhe Milena Milanova, siguronte një caktim të saktë të roleve dhe detyrave, përmes kontributit dhe bashkëpunimit operacional të italianëve dhe bullgarëve, me detyra monitorimi dhe shoqërimi të viktimave “në vendin ku ato detyroheshin të punonin në rrugë.”