Gazetari i BIRN, Gjergj Erebara, i ftuar në emisionin “Të Paekspozuarit”, ka komentuar shitjen e spitalit “Continental” nga fondacioni “Firdeus” i drejtuar nga Elvis Naçi dhe familjarë të tij, drejt Komunitetit Bektashian.
Ky spital u shit për 850 milionë lek të vjetra, edhe pse ishte me humbje, ndërkohë që “Firdeus”, e kishte blerë fillimisht për 350 mijë euro.
Erebara thotë se ky transaksion nuk ka logjikë ekonomike.
Gjegj Erebara: E vetmja gjë që shoh aty, shuma të mëdha parash që qarkullojnë pa logjikë ekonomike.
Nga bilancet e kompanisë, është një kompani që ka humbur të gjithë kapitalin e vetë, plus më shumë para. Kjo kompani shitet borxhi plus paguhet shuma prej 350 mijë euro, nuk shoh logjikë ekonomike.
Nga kjo 350 mijë euro, humbjet thellohen, shuma e blerjes së dytë rritet, shoh më pak logjikë ekonomike.
Nga pikëpamja ligjore nuk shoh gjë të dyshimtë, apo pastrim parash. Por shoh që Fondacioni Firdeus do të paguajë një shumë të madhe parash tatimi. Në rastin konkret, shitblerja është biznes, nuk është fondacion.
Çështja është, duhet të kemi parasysh që liria e besimit është shumë e rëndësishme, nuk mund ta diskutojmë të hedhim ide hajde ti kontrollojmë.Mua përshembull më pëlqen të kem shtet social dhe jo bamirësi. Jam kundër kontrollit të shtetit mbi organizatat fetare. I vetmi aspekt që mund të kontrollohet nga financat e tyre, është siguria kombëtare.
Arjan Curri: Megjithatë, kjo gjë sjell rrezik që komunitetet fetare, mund të sjellin në territorin tonë miliona euro, burimi i të cilit është i panjohur.
