Në një fluturim të linjës ajrore gjermane “Lufthansa”, piloti urdhëroi ekuipazhin të zbriste nga aeroplani familjen Padurevic, për shkak se djali i tyre 2-vjeçar nuk donte të mbante maskën. Sipas mediave të huaja, familja nuk u lejua të kthehej në Shtetet e Bashkuara nga Aeroporti Rhein-Main, pasi linja ajrore këmbënguli që djali i familjes të ndiqte protokollin shëndetësor, pra të mbante maskën.
“Një stjuardesë na shoqëroi te piloti. Ai u përpoq të bindte djalin tim Jakobin të mbante një maskë. Por ai nuk ia doli. Pastaj një burrë me uniformë na shoqëroi jashtë avionit. U trondita, sikur të më kishte goditur një plumb. Që kur duhet të mbajnë maskë fëmijët dy vjeç?”-tha babai i 2-vjeçarit.
Nga ana tjetër Kompania Lufthansa argumentoi se ata duhej t’u bindeshin rregullave të Autoritetit Amerikan për Sigurinë e Transportit. Kjo do të thotë që pasagjerët e moshës dy vjeç e lart duhet të mbajnë maskë gjatë gjithë fluturimit.
Burimi: www.protothema.gr
