Një situatë e çuditshme ka ndodhur gjatë sfidës Suedi-Kosovë ku protagonist u bë gjyqtari i takimit Marko Di Belo.
Në minutën e 27-të të takimit, Di Belo ndërpreu lojën pas një sinjalizimi nga asistentët e tij në kufje për një prekje të dyshimte me dorë nga mbrojtësi Florent Hadërgjonaj.
Por dhe pse sinjalizimi erdhi nga vetë sistemi VAR, gjyqtarit nuk po i shfaqeshin pamjet nga një problem teknik i ndodhur.
U desh të priteshin 5 minuta që gjyqtari të qartësonte mendimin dhe të merrte një vendim duke akorduar penallti për Suedinë që u shndërrua më pas në gol nga Forsberg.
