Mbretëresha e popit, Madonna, zbuloi se është penduar për vendimin e saj për të refuzuar rolin në filmin kult “The Matrix”.
“Unë refuzova një rol në ‘The Matrix’. A mund ta besoni këtë? Doja të vrisja veten”– pranoi këngëtarja, por nuk zbuloi saktësisht se cilin rol ajo refuzoi.
Filmi u bë një nga trilogjitë më të suksesshme të filmit në histori, me të ardhura bruto prej 1.3 miliardë dollarë, dhe vazhdimi i katërt duhet të dalë në dhjetor të këtij viti.
“Është një nga filmat më të mirë të realizuar ndonjëherë. Një pjesë e vogël e imja pendohet për atë moment në jetën time,” pranoi Madonna.
