Hungari-Shqipëri/ Mbyllet pjesa e parë, rezultati dhe statistikat

Është mbyllur në barazim pa gola pjesa e parë mes Hungarisë dhe Shqipërisë, e vlefshme për kualifikueset e Botërorit 2020.

Ndeshja e ka qenë e luftuar në mesfushë duke bërë që asnjë nga skuadrat të mos rrezikojë.

Kuqezinjtë e drejtuar nga Reja e nisën lojën duke bërë presion në gjysmëfushën e kundërshtarit duke mos i lënë hapësira të panevojshme. Në minutën e 9-të të takimit Shqipëria tenton të kërcënojë me anë të Bares i cili rrëmben topin në mesfushë.

Mesfushori bën gjithçka mirë por deri në momentin e fundit I cili tregohet egoist teksa nuk shërben as për Cikalleshin dhe as për Uzunin që prisnin brenda zonës.

LEXO EDHE  VIDEO/ Ronaldo mahnit tifozët e United dhe jo për gola, në moshën 36-vjeçare ai bën gjëra që nuk janë parë më parë!

Në minutën e 20-të, Ismajli,  largon një rrezik të hungarezëve në këndore. Për fat të mirë kjo këndore, nuk shqetësoi portierin Berisha, topi u largua nga mbrojtësit.

Ndërkohë momente paniku përfshiu kombëtaren në minutë e 27-të. Berisha, Gjimshiti dhe Ismajli përplasen brenda zonës, teksa mbrojtësi merr një dëmtim në dorë.

28-vjeçari e kishte të pamundur të vazhdonte duke u larguar nga fusha me barrelë i shoqëruar nga stafi mjekësor.

Në minutat e fundit të fraksionit të parë, Shqipëria shfaqet më agresive, por mungon diçka në 20 metrat e fundit, teksa ende nuk është rrezikuar asnjë gjuajtje në kuadrat.