Basha me ambasadorin holandez: Ndava shqetësimin për shkeljen e çdo standardi të zgjedhjeve në Shqipëri

Kreu i opozitës, Lulzim Basha ka zhvilluar një takim me ambasadorin holandez Reinout Vos.

Përmes një postimi në Twitter, Basha ka zbuluar se çfarë u diskutua në takim. Kreu i PD-së thotë se ndau me ambasadorin shqetësimin për shkeljen e çdo standardi në zgjedhje dhe gjithashtu diskutoi për sfidat e Shqipërisë në procesin e integrimit.

“Mirëprita ambasadorin hollandez @ReinoutVos. Diskutuam mbi sfidat e Shqipërisë në procesin e integrimit. Ndava shqetësimin për shkeljen e çdo standardi për zgjedhjet në Shqipëri siç dëshmon dhe raporti i ODHIR, për korrupsionin, lidhjet e politikës me krimin dhe trafiqet,” shkruhet në postimin e Bashës.

LEXO EDHE  Luan Baçi apel Bashës për votëbesim: Mos ki frikë. Edhe sikur të marrësh 55% je legjitim