Prej dy ditësh, vendi ynë është përfshirë nga moti i keq me reshje të dendura dhe stuhi që pritet të zgjasë deri në datë 8 Tetor.
Reshjet e dendura të shiut kanë sjellë probleme me qarkullimin, ndërsa një nga qytetet më të prekura është Vlora.
Për këtë arsye Bashkia e Vlorës, përmes një njoftimi në rrjete sociale, u ka kërkuar qytetarëve që të shmangin lëvizjet që nuk janë të domosdoshme dhe të kujdesen për veten e familjen.
“Të dashur qytetarë! Duke parë kushtet e motit në Vlorë, por edhe në të gjithë vendin, do ju luteshim të shmangni lëvizjet me makina që nuk janë të domosdoshme. Për shkak të shirave të dendur, duhet të keni kujdes edhe me vendin e parkimit të makinave dhe të jeni të vëmendshëm për vendet që rrezikojnë të përmbyten! Paralajmërimet e meteorologëve për shira të vazhdueshëm, na bëjnë të jemi të kujdesshëm. Kujdesuni për veten dhe familjarët tuaj! Për çdo nevojë vendosni kontakt me Ujësjellës Kanalizimet dhe Shërbimet publike të Bashkisë,”-shkruhet në njoftim.
