Kanë kaluar vetëm tre ditë nga fillimi i ‘Big Brother Vip’ dhe nuk kanë mundur ‘të shpëtojnë’ nga sytë e publikut marrëdhënia mes Beniadës dhe Arditit, të cilët kanë shprehur një afrimitet të menjëhershme për njëri-tjetrin.
Arditi ishte i pari i cili ka shprehur pëlqimin për Beniadën, duke deklaruar në dhomën e rrëfimit se ndoshta mund të ketë edhe diçka më tepër se sa miq mes tyre, por pak e dinë që ishte edhe një i tretë!
Është pikërisht partneri i Beniadës për provën e javës, Donaldi, të cilët janë parë shumë afër njëri-tjetrit në situata të ndryshme.
Beniada nuk i ka ‘shpëtuar’ dot as pyetjeve me spec!
Arbana: Cili të pëlqen më shumë nga të dy?
Beniada: Janë dy lloj njerëzish shumë të ndryshëm, s’më pëlqen të zgjedh një person, sepse kam një lidhje ndryshe me Arditin, ndërsa Donaldin se njoh akoma. Me Arditin deri tani si shoqëri po shkojmë shumë mirë. Me Arditin kemi dhe shoqëri të përbashkët dhe kemi fol më shumë, me Donaldin kam pasur më pak mundësi për të folur, jam pak më e ftohur por s’di ta shpjegoj për çfarë arsye, s’kemi gjetur të lidhjen.
