Berisha: Rama dhe ministrat e tij luajnë bixhoz me kaskadën e Drinit

Ish-kryeministri sali berisha ka folur nga Elbasani me tone të ashpra jo vetëm kundër Bashës, por edhe kryeministrit Edi Rama, i cili një javë më parë doli dhe foli për krizën energjitike dhe sot paralajmëroi rritje të çmimit të energjisë.

Berisha tha se Rama dhe ministrat e tij këtë lojë e bënë vetëm për interesat e tij dhe se ata kanë luajtur bixhoz me paratë e energjisë.

“Rama para një jave alarmoi njerëzit me krizën e jashtëzakonshme që do përpijë Shqipërinë. Çfarë është kjo? Kjo është një krizë e bërë me dorën e tij në mënyrë absolute. Ky ka qenë një ndër vitet më të mbara të Shqipërisë, në gusht kaskada e drinit ka qenë në kuotën më maksimale. Çdo kryeministër e di shumë mirë që ajo kaskadë është rezerva më e mirë e shtetit shqiptar brenda territorit të vet.

Blihet energji dhe ruhet për të vjeshtë dhe fillim dimri. ka zbrazur kaskadën në mënyrën më të papërgjegjshme, e ka çuar në kuotëta e bllokimit të plotë të prodhimit të energjisë, duke shitur energji me çmim 50% më të ulët se tregu dhe 3 herë të ulët nga sa është sot me të cilën ne blejmë energjitë. Krizën e kemi nga Edi Rama dhe ministrat e tij të cilët luajnë bixhoz me kaskadën e drinit. Ndryshe s’mund të ndodhë kjo. Madje deklaron dhe akoma më keq dhe deklraton se rritja e cmimeve është pa kthim”, u shpreh Berisha.

LEXO EDHE  Nikoll Lesi zbulon skenarin: Ja si Basha mund të shpëtojë nga Berisha