Kryetarja e Kuvendit Lindita Nikolla, në një bashkëbisedim me gazetarët ditën e sotme tha se Parlamenti dhe seancat do i kthehen normalitetit me prani fizike të deputetëve apo ministrave dhe se media do të jetë e pranishme dhe do të ketë një minutazh të caktuar për praninë e kamerave.
Nikolla bëri thirrje që të gjithë qytetarët duhet të vaksinohen sepse është rruga e vetme për të dalë nga pandemia.
Pyetjes se gazetarëve se a e ka ndjerë ajo si konsumatore bashkë me të afërmit e saj rritjen e cmimeve, Nikolla u përgjigj duke thënë se shkalla e ndikimit krahasuar me një familje të thjeshtë është e ndryshme por që do bëjë të pamundurën për tu përgjigjur ndaj kësaj krize e cila do menaxhohet dhe nga qeveria.
“Sesioni i ri parlamentar është normalizuar, komisionet parlamentare me prani fizike, do rriett dhe aksesi i medias dhe transparenca pa praninë e ndonjë filteri apo regjie qendrore. Prania e gazetarevë ne mbledhje dhe në seanca plenare dhe metodologjinë e pranisë së kamerave për një minutazh të caktuar.
Parlamenti do i bëjë detyrat e saj në mënyrën më të mirë.Bëj thirrje dhe për vaksinimin, mbroni veten dhe të tjerët, sepse është rruga e vetme për të dalë nga pandemia, unë do jap maksimumin në detyrën time të re.
Pyetja e gazetares: A e ndjeni ju si konsumatore rritjen e cmimit te energjise dhe bukës?
Sigurisht që shkalla e ndikimit ndryshon, nuk është njëlloj sit e unë apo te një familje e varfër. Unë jam besimplotë qe qeveria që ka detyre per të menaxhuar këtë situatë globale do të jetë në lartësinë e detyrës, unë do bëj të pamundurën që ti përgjigjem sa më mirë kësaj situate.
