Një çift, burri shqiptar dhe gruaja italiane, u arrestuan nga karabinierët për trafik droge.
Mediat italiane shkruajnë se të arrestuarit janë shtetasi shqiptar H.L 46 vjeç dhe shtetasja C.G 43 vjeçe, italiane.
Shqiptari u kap, pasi po ecte në zonën urbane të quajtur Cantu e po shihej se po shkëmbente diçka me një klient.
Pas këtij momenti, kanë ndëhyrë oficerët e policisë, që e kanë kapur atë me drogë dhe me para cash.
Më pas policia shkoi në banesën e shqiptarit, i cili jetonte së bashku me gruan e tij italiane. Kjo e fundit, sapo është futur policia në banesë, ka tentuar të hedhë çantën e saj nga ballkoni.
Policia sekuestroi çantën e italianes, brenda së cilës kishte plot 42 mijë euro. Pas kësaj, çifti u arrestua dhe pritet tashmë që drejtësia e vendit fqinj të vendosë për ta.
