Deputeti demokrat i Lushnjes, Saimir Korreshi, fjalimi i parë i të cilit në Kuvend mori vëmendje për shkak të stilit dhe gjuhës popullore që përdori, erdhi edhe këtë të Enjte me një tjetër fjalim pikant.
Ai u shpreh se mjekësia shqiptare, “është si puna e asaj fotografisë që gjyshi i tregoi nipit. Që e grisi përgjysmë, se nga mesi e lart ishte veshur me kollare, ndërsa nga mesi e poshtë ishte lakuriq”.
Saimir Korreshi falënderoi mjekët në Lushnje për punën e bërë gjatë periudhës së pandemisë, por tha se kushtet aty janë të këqija.
“Për të bërë një skaner, po spate mik në Lushnje do katër javë, por për katër javë vete e vjen virusi… Skaneri i qytetit në Lushnje punon me manivel…. Sot në Lushnje s’po gjen mace i kanë çuar te spitali”, tha Korrreshi.
“Spitali i Lushnjës është thyer në një spital që bën vetëm synetlliqe dhe vetëm dy herë apendicitin”, shtoi ai.
