Ardi Veliu ka mbajtur fjalimin e tij të fundit si drejtor të Përgjithshëm, pak se t’i dorëzojë detyrën Gledis Nanos.
Në fjalën e mbajtur në ceremoninë e prezantimit të Drejtorit të Ri të Përgjithshëm të Policisë së Shtetit, ai falënderoi kryeministrin Edi Rama dhe ministrat e Brendshëm.
“Një detyrë shumë e rëndësishme dhe jam përpjekur që të bëj më të mirën e mundshme. Në 35 vite të mija nën Uniformë, duke filluar nga 14 vjeç jam brumosur dhe edukuar që t’i shërbejë vendit tim dhe qytetarëve të vendit tim, çdo ditë të karrierës sime dhe të detyrës jam mbështetur në 3 shtylla kryesore që kanë qenë në vlerësimin tim, ndershmëria, përkushtimi dhe humanizmi. Sot Policia e Shtetit është më mirë se dje. së bashku me ju përballuam sfidat e tërmetit që nga momentet e fundit, ishim të parët që dhamë ndihmën e parë dhe kryem këtë mision më së miri, kam një mirënjohje për të gjithë juve sepse së bashku menaxhuam qindra tubime që në momente të caktuara u shoqëruan me lëndime të 67 punonjësve të policisë, jeni ju kolegë që me mua arritëm të menaxhojmë periudhën e pandemisë, jam krenar që për punën e bëre”, tha Veliu.
“Falenderoj kryeministrin e vendit tim, Edi Rama që nga dita e parë deri te e fundit më ka mbështetur që të bëjë këtë detyrë, 3 ish-ministrat e Brendshëm që arritëm ta sjellim Policinë në këto kushte ku janë Policia nuk fillon e as mbaron me mua, ju falënderoj për ndihmën që më keni dhënë, falënderoj bashkëshorten dhe 2 fëmijët që ma kanë bërë këtë detyrë më të lehtë, ju uroj sukses dhe drejtor Gledisit shumë fat”, tha Veliu.
