Shqipëria e 21-vjeçarëve arrijnë fitoren e dytë në eliminatoret e Europianit teksa mposhti një rival të lehtë si Andorra 2-0 në “Elbasan Arena”.
Me një fomacion sulmues nga trajneri Bushi dhe të udhëhequr nga talenti Ernest Muçi, Shpresat marrin pikët e domosdoshme që ishin objektivi kryesor por shpërdorojnë shumë raste për ta mbyllur ndeshjen me goleadë.
Ishte Muçi ai që i dha fitoren kuqezinjve ndaj Andorrës me një supergol të shënuar nga goditje dënimi në minutën e 36’ dhe në pjesën e dytë sërish me një tjetër goditje dënimi dyfishoi duke u bërë heroi i mbrëmjes.
Edhe pjesa e dytë ishte dominim në lojë nga skuadra jonë por rastet nuk konkretizohen teksa ne një rast të vetëm, Tafas mund të pësonte dhe një gol nga 40 metra nga Andorra.
Gjithsesi, në 70’ kemi mundësinë më të mirë për të dyfishuar me një penallti por Muçi gabon teksa topi pritet dhe devijohet nga portieri Gimenez.
Kur dukej se mbaroi këtu, Muçi sërish nxjerr nga repertori një perlë me një goditje dënimi edhe më larg se e para duke marrë edhe vlerësimin maksimal për këtë sfidë.
Kështu sfida mbyllet 2-0 me Shqipërinë U21 që merr 3 pikë dhe pas 3 ndeshjes ka 6 pikë në tabelë. Pas 4 ditësh, sfida tjetër po në “Elbasan Arena” ndaj Sloveninë, një rival i një shkalle më të forte.
