Shqiptarë dhe spanjollë u arrestuan nga policia në Spanjë, në kuadër të një operacioni anti-drogë. Nga raportimet mësohet se policia arrestoi 5 persona, që dyshohet se kishin ngritur një fermë për kultivimin e marjuanës.
Rreth 5 000 metra tokë, ishin mbjellë me marijuanë të gatshme për shitje, vlera e së cilës arrin deri në 480 mijë euro.
Sipas policisë, gjithashtu akuzohen se kanë vjedhur energji elektrike, që shkon në shumën deri në 70 mijë euro.
Policia spanjolle kishte kohë që dyshonte se në lagjen Sentmenat, mbillej drogë. Zhurmat e vazhdueshme kishin bërë që banorët të ndiheshin të shqetësuar për atë që ndodhte.
Efektivët e policisë ruajtën zonën, por nuk kanë ndërhyrë menjëherë. Ata pritën momentin kur një furgon, që bënte transportin e lëndës narkotike ishte pranë tyre dhe kanë ndërhyrë.
Policia arrestoi 5 persona.
