Një viktimë dhe 41 raste të reja me koronavirus u konfirmuan të Mërkurën në Kosovë, bëri të ditur Ministria e Shëndetësisë.
Rastet e reja pozitive rezultuan pas 2,777 testimeve.
Po ashtu, bëhet e ditur se në 24 orët e fundit, 198 pacientë u shëruan nga koronavirusi, ndërsa raste aktive mbeten 1,737.
Deri të Mërkurën, në Kosovë janë dhënë mbi 1.3 milion vaksina kundër koronavirusit.
Mbi 579,000 qytetarë janë vaksinuar me nga dy doza, ndërsa mbi 817,000 janë të vaksinuar me dozën e parë.
