Legjenda spanjolle e NBA-së, Pau Gasol është tërhequr përfundimisht nga basketbolli në moshën 41-vjeçare.
Fituesi i dy titujve kampion me Lejkërsat, ka vendosur të ndërpresë karrierën e tij, pasi më herët një lëndim në këmbën e majt nuk i dha mundësinë të vazhdontë me tej në këtë sport.
Gasol është një legjendë e basketbollit dhe një prej figurave më të dashura të këtij sporti. Në dy vite radhazi, 2009 dhe 2010, Gasol fitoi dy tituj kampion në NBA me Lejkërs, ndërsa është shpallur 1 herë kampion bote me Spanjën në vitin 2006 dhe 3 herë kampion Europë në vitet, 2009, 2011 dhe 2015.
Gasol luajti 1226 ndeshje gjatë karrierës së tij me një mesatare prej 17 pikësh për ndeshje. Një legjendë e vërtetë që ka marrë falënderime nga e gjithë bota e basketbollit për atë që dha në këtë sport.
