Konferenca e Kryetarëve vendosi sot që mbledhjet e Komisioneve Parlamentare të zhvillohen në salla, dhe jo online sikundër ndodhi përgjatë dy javëve. Duket se vendimi ka lidhje me presionin e ushtruar nga deputetët e Partisë Demokratike, që kundërshtuan procesin online të mbledhjeve.
Në Konferencën e Kryetarëve u pranua kushti i propozuar nga socialistët, që deputetët që do të jenë të pranishëm në mbledhjet fizike, të ishin të vaksinuar. Opozita kundërshtoi zhvillimin e mbledhjeve online me faktin se ato cënonin transparencën dhe nuk mund të zhvilloheshin debate reale mbi projektligjet apo nismat që detyrimisht kalojnë procedurat parlamentare për miratim.
Në mbledhjet e zhvilluara deri më tani, deputetët e PD kanë qenë të pranishëm fizikisht në zyrat e Kuvendit, ndërsa ato të PS qëndronin online. Por asnjë prej mbledhjeve nuk u zhvillua noralisht, sikundër u cënua edhe transparenca për publikun.
Njoftimi:
I. Zhvillimin e mbledhjeve te komisioneve te perhershme te Kuvendit duke respektuar distancimin fizik te deputeteve dhe masat e tjera mbrojtese per parandalimin e perhapjes se infeksionit te shkaktuar nga COVID-19. Per te marre pjese ne mbledhjet e komisioneve deputeti dorezon prane sekretarise se komisionit certifikaten e vaksinimit ose testin PCR negativ te kryer jo me vone se 48 ore perpara fillimit te mbledhjes.
II. Me dakortesine e kryesise se komisionit parlamentar mbledhjet mund te zhvillohet edhe ne distance nepermjet mjeteve te komunikimit elektronik, me terminal te pavarur deri ne perfundimin e gjendjes se epidemise se shkaktuar nga COVID-19.
III. Ngarkohet Sekretari i Pergjithshem per mbeshtetjen me burime njerezore dhe logjistike te nevojshme per te siguruar zhvillimin e mbledhjeve te komisioneve parlamentare dhe marrjen e masave mbrojtese te nevojshme per parandalimin e perhapjes se infeksionit te shkaktuar nga COVID-19.
IV. Ky vendim hyn ne fuqi menjehere.
