Ardjan Çollaku, të cilit iu bë atentat me armë zjarri mbrëmjen e sotme në Elbasan, ka shkaktuar në vitin 2017 një aksident me pasojë vdekjen e një personi.
Çollaku, duke drejtuar një automjet “Range Rover” përplasi dy makina dhe një person që po udhëtonte me biçikletë. Ky i fundit humbi jetën.
Viktima Ardian Rika, 35 vjeç, punonte si marangoz.
“Arrestimi i Ardian Subashi, 44 vjeç banues në Elbasan u bë pasi duke drejtuar mjetin tip “Land Rover” me targa AA 404 PD, ka goditur dy mjete të parkuara duke i shkaktuar dëme materiale dhe më pas ka aksidentuar me vdekje biçiklistin shtetasin A.R, 35 vjeç banues në Elbasan. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale ‘Shkelja e Rregullave të Qarkullimit Rrugor’ parashikuar nga neni 290 i Kodit Penal”, njoftoi policia në atë kohë.
