Pak orë më parë në media qarkulloi lajmi se trajneri i Kukësit, Diego Longo, ka dhënë dorëheqjen.
Ndërkohë këtë lajm e ka sqaruar për RTV Ora, Presidenti i ekipit të Kukësit, Safet Gjici, se si qëndron e vërteta.
Në një lidhje me ‘Skype’ për emisionin ‘Ora Sport’, ai ka treguar se si e mori vesh lajmin, ndërkohë shton se Longo nuk është larguar, por thjesht do të udhëtojë për tek familja e tij, pasi ka dy javë pushime.
Safet Gjici: Trajneri vazhdon punën e tij. Po vija nga Elbasani dhe më morën në telefon se trajneri Lango ka lënë detyrën. është një keq kuptim i mediave. Ai ka thënë se do shikojmë problemet e ekipit por jo se do të japë dorëheqjen. Ai ka pasur biletën e prerë se do shkojë tek familja e vet. Ka dy javë pushim. Mediat kështu japin informacion.
