Një plagosje me thikë ka ndodhur në Durrës, ku një 29-vjeçar ka mbetur i lënduar, njoftoi policia këtë të Shtunë. I plagosuri ndodhet në spital, ku po merr ndihmë mjekësore, ndërsa autori është arrestuar.
“Specialistët për Hetimin e Krimive në Komisariatin e Policisë Durrës arrestuan në flagrancë për veprat penale ‘Plagosje e rëndë me dashje’ dhe ‘Kundërshtimi i punonjësit të policisë së rendit publik’, shtetasin L.P., 29 vjeç, banues në Durrës. Ky shtetas dyshohet se në lagjen Nr.14, Durrës, tek tregu i makinave ka plagosur me mjet prerës (thikë) shtetasin K.K., 29 vjeç, banues në lagjen Nr.14, Durrës, i cili ndodhet në spitalin Durrës, nën kujdesin e mjekëve”, njoftoi policia.
