Një shqiptar është arrestuar nga policia italiane, pasi u kap me drogë.
Mediat italiane raportojnë se 36-vjeçari shqiptar aktivitetin kriminal e kryente nga shtëpia dhe nga dyqani ku punonte. Ndonëse nuk bëhet i ditur identiteti, raportohet se shqiptari ishte i arrestuar më parë për trafik droge.
Gjatë kohës që policia hyri në banesën e shqiptarit brenda të cilës kishte dhe një klient, futi në një dhomë gruan e 36-vjeçarit dhe më pas tentoi t’i vinte këtij prangat. Por ky i fundit reagoi duke goditur oficerët e policisë, ndërsa klienti i tij u largua nga vendngjarja.
Raportohet se gjatë kontrollit, policët gjetën 127 gr kokainë si dhe mjete që shërbejnë për paketimin e dozave. Tashmë shqiptari ndodhet pas hekurave në pritje të masës së sigurisë.
