Përpara takimit me demokratë në qytetin e Shkodrës, ish-kryeministri Sali Berisha postoi një foto me kreun e të rinjve demokratë në këtë qytet, Arvit Bushati.
Sipas Berishës, “të rinjtë janë energjia nukleare e Foltores”.
“Me Arvit Bushatin, Kryetarin e FRPD Shkodër. Një përshëndetje të përzemërt të rinjve të Shkodrës dhe mbarë Shqipërisë. Ata janë energjia nukleare e Foltores për “Një Parti Demokratike më të bashkuar, më të fortë, më të hapur”! Zoti i bekoftë!”, shkruan Berisha në rrjetet sociale.
Foltorja e sotme do zhvillohet në orën 18:00, në “Kinema Milenium”, në Shkodër.
Foltoret e shkuara në Tiranë, Fier, Vlorë dhe Durrës janë pritur me entuziazëm të jashtëzakonshëm.
