Një ngjarje e rëndë raportohet të ketë ndodhur në Argolida të Greqisë.
Mediat vendase shkruajnë se një 78-vjeçar ka vrarë gruan e tij dhe më pas veten. Policia ka marrë një lajmërim nga vetë burri, i cili i kishte thënë efektivëve se gruaja e tij ka vdekur.
Në momentin që uniformat blu mbërritën në vendngjarje, gjetën trupin e gruas të pajetë, si dhe burrin e vetëvarur në oborrin e shtëpisë.
Dyshohet se gruaja vuante nga një problem shëndetësor dhe thuhet se burri e ndërmori këtë hap për ta lehtësuar atë nga dhimbjet. Megjithatë, hetimet për këtë rast ende vijojnë.
