Ministria e Shëndetësisë së Kosovës ka njoftuar se të Premten janë regjistruar dy viktima me koronavirus.
Sipas Ministrisë, në 24 orët e fundit janë regjistruar edhe 42 persona të infektuar me këtë virus, nga 3.472 testime.
Sipas autoriteteve, 409 persona janë shëruar, ndërsa mbi 2.559 persona janë ende aktivë me koronavirus.
Prej shpërthimit të pandemisë në Mars të vitit 2020, autoritetet shëndetësore në Kosovë kanë regjistruar mbi 160.000 raste të infektimit.
Prej tyre 2.955 persona kanë vdekur.
Prej nisjes së fushatës së vaksinimit, 541.431 persona janë vaksinuar plotësisht kundër këtij virusi, ndërsa 802.225 persona kanë marrë dozën e parë.
Deri më 1 tetor në orën 15:00, është vaksinuar me dy doza 30.1 për qind e popullsisë së përgjithshme.
