Gjykata e Tiranës ka pranuar kërkesën e Prokurorisë duke lënë në burg infermieren e spitalit psikiatrik, Elisabeta Bardhollarin, ndërsa Orjada Hoxha është lënë në arrest shtëpie.
Këto dy shtetase u arrestuan pasi në bashkëpunim me njëra tjetrën nëpërmjet mashtrimit përvetësuan rreth 400 milion lekë pajisje elekroshtëpiake.
Referuar hetimeve, infermierja e psikiatrisë u vidhte kartat e identitetit pacientëve në spital, për t’i përdorur për kredi.
Bardhollari, infermiere në spitalin psiqiatrik, dhe Hoxha, shitëse në një dyqan elektroshtëpiakesh, përdornin një institucion finaciar për të tërhequr para përmes aplikimeve online duke përdorur mjetet e identifikimit pa dijeninë e pacientëve.
Ky ishte skandali i rradhës që goditi sistemin shëndetësor në vendin tonë dy ditë më parë, ku Krimi Ekonomik ka zbuluar një rast të rëndë në një spital në Tiranë.
Një infermiere iu vidhte kartat e identitetit pacientëve të shtruar në spitale, dhe merrte kredi në emër të tyre.
Në bashkëpunim me një shitëse në një dyqan elektroshtëpiakesh, infermierja i merrte produktet me kredi në emër të klientëve dhe më pas i rishiste ato. Si infermierja ashtu edhe shitësja u arrestuan, ndërkohë që janë sekuestruar elektroshtëpiake me vlerë rrreth 40 milionë lekë të reja.
