Shakira është sulmuar nga derrat e egër në një park në Barcelonë, Spanjë. Ylli kolumbian zbuloi se incidenti ndodhi teksa po përpiqej të kalonte një kohë të bukur me djalin e saj 8 vjeçar Milan Pique Mebarak në nje park.
Shakira, e tmerruar nga kjo ngjarje tregoi se luftoi me derrat e egër për të shpëtuar çantën e saj të shpinës. Ylli kolumbian tha se edhe pse e kishte ruajtur çantën, telefoni i saj ishte thyer.
“Ata morën çantën time, në të cilën ndodhej dhe celulari im dhe filluan të vraponin drejt pyllit. Ata kanë shkatërruar gjithçka. Papritmas, njëri prej tyre u hodh nga uji aq shpejt dhe me nxitim, më shikoi në sy, ulëriti i tërbuar dhe u përpoq të më kafshonte.Të gjithë bërtitën, përfshirë edhe mua. Isha paralizuar nga frika dhe nuk mund të lëvizja. Unë thjesht mbaja kontakt me sy me të ndërsa vëllai im Tony kërceu dhe më shpëtoi fjalë për fjalë jetën, duke më larguar nga ‘bisha’.”
Fatmirësisht ajo dhe as djali i saj Milan nuk u lënduan.
