Pasi presidenti amerikan Joe Biden refuzoi një takim me homologun turk gjatë punimeve të Asamblesë së Përgjithshme të Kombeve të Bashkuara, Rexhep Tajip Erdogan, i zhgënjyer dhe i zemëruar u tha gazetarëve se kishte arritur të punonte mirë me ish-liderët amerikanë, por jo me Bidenin deri më tani.
Kështu raportojnë mediat e huaja, ndërsa shtojnë se Erdogan e akuzoi SHBA -në për mbështetjen e “organizatave terroriste”, në vend që t’i luftonte ato. Presidenti turk vuri në dukje gjithashtu se Turqia ende synon të blejë një grup të dytë të sistemeve të mbrojtjes raketore S-400 nga Rusia.
Ndërsa ndarja midis dy aleatëve të NATO-s rritet, Erdogan u takua sot me presidentin rus, Vladimir Putin në vendpushimin e Detit të Zi në Soçi.
Ndryshe nga çekuilibri i marrëdhënieve me SHBA-në, Ankaraja e sheh marrëdhënien me Rusinë si “të menaxhueshme” pasi Moskës i mungon ndikimi i SHBA-së.
Ndërsa dinamika e fuqisë ekonomike mund të titullohet në favor të Moskës pasi Turqia varet shumë nga eksportet e gazit rus dhe miliona turistë rusë sjellin të ardhura, Turqia është eksportuesi kryesor i produkteve bujqësore dhe tekstile në Rusi. Në rastin e armiqësive, Rusia dhe Turqia gjithashtu mund t’i minojnë më lehtë interesat e njëri-tjetrit.
