“Top Channel” ka konfirmuar se data e nisjes së “Big Brother VIP” do të jetë 1 Tetori.
Në guidën e këtij televizioni është publikuar programacioni i kësaj të premte, pjesë e së cilit do të jetë “BBV”.
Që në momentin që u zbulua se “BBV” do të rikthehej në ekran, aludimet se kush mund të jenë personazhet e përzgjedhur për të marrë pjesë nuk kanë fund. Deri më tani përflitet se pjesëmarrës do të jenë: Sheila Haxhiraj, Ema Andrea, Andi Artani, Valer Kolnikaj, Robert Aliaj, Anxhela Peristeri, Romeo Veshaj, Meridian Ramçaj , Arjola Demiri dhe Kastro Zizo.
Fituesi i këtij edicioni do të shkojë në shtëpi me një shifër marramendëse prej 100 mijë eurosh!
