Disa njerëz posedojnë një version të një gjeni i cili potencialisht mund të frenojë virusin që shkakton Covid-19.
Ky është rezultati që ka arritur një studim. Gjetjet ofrojnë një shpjegim pse disa njerëz kanë mbrojtje më të mirë natyrore kundër infeksionit serioz Sars-CoV-2, thonë shkencëtarët.
Shkencëtarët thonë se përgjigjet antivirale janë më të mira tek njerëzit që kanë një version më të “mbrojtur” të gjenit OAS1, ndërsa të tjerët kanë një version i cili nuk arrin të zbulojë virusin.
“Por nëse variantet e reja mësojnë të shmangin mbrojtjen e ofruar nga gjeni ato mund të bëhen “thelbësisht më patogjene dhe të transmetueshme në popullatat e pavaksinuara”, thonë ekspertët.
Studimi është botuar në revistën Science dhe është rezultat i punës së udhëhequr nga Qendra për Kërkimin e Viruseve nga MRC-University of Glasgow.
