Nuk fitoi mandatin e deputetit në zgjedhjet e 25 prillit, Ervin Bushati është emëruar drejtor i Postës Shqiptare.
Prezantimi i tij në krye të Postës shqiptare do të bëhet ditën e nesërme. Bushati zëvendëson në këtë institucion Laert Durajn, i cili u zgjodh deputet në qarkun Gjirokastër në zgjedhjet e 25 prillit.
Ervin Bushati ndonëse renditej i treti në listën e Tiranës për një vend në Parlament, por thyerja e herësit nga Fatmir Xhafaj e la jashtë.
Ervin Bushati mundi të marrë në zgjedhjet e 25 prillit vetëm 2837 vota, duke mos siguruar mandatin e deputetit në parlamentin e ardhshëm. Rikujtojmë se Bushati ka qenë deputet në dy legjislatura, nga viti 2013 deri në vitin 2021.
